كشفت الفنانة أنغام عن تعرضها لوعكة صحية مفاجئة أدت إلى دخولها المستشفى منذ صباح يوم السبت الماضي، وذلك من خلال مداخلة هاتفية لها برنامج كلمة أخيرة.

تعرض أنغام لوعكة صحية

وقالت أنغام في تصريحاتها التي يرصدها موقع تحيا مصر: “معرفتش حد إني في المستشفى ومكنتش حابة أتكلم خالص في موضوع مرضي دا.. هي حاجة طارئة حصلت فجأة يوم الأربعاء اللي فات، تعبت جدًا في البيت وبعدين اتنقلت للمستشفى يوم السبت الصبح، وبصراحة مكنتش عايزة أبلغ ناس من عيلتي عشان مخضّش حد ومكنتش قادرة أستقبل زيارات”.

ولم تكشف أنغام حتى الآن عن تفاصيل حالتها الصحية أو طبيعة الوعكة التي تمر بها، لكنها طمأنت جمهورها بأنها بدأت في التعافي، مؤكدة أنها تحب أن يراها الناس في أفضل حالاتها، وأنها فضّلت التزام الصمت إلى حين تحسّن وضعها الصحي.

الجدير بالذكر أن أنغام كانت قد أحيت عددًا من الحفلات خلال الفترة الماضية، وشهدت تفاعلًا كبيرًا من جمهورها، ما جعل خبر مرضها يثير قلق محبيها الذين تمنوا لها الشفاء العاجل والعودة سريعًا إلى نشاطها الفني المعتاد.

أنغام تنهار من البكاء على الهوا: كفاية قرف هو أنا معنديش إحساس ؟ 

وكانت قد أعربت أنغام عن استيائها من اتهامها بتشويه صورة شيرين عبد الوهاب، وقالت: معنديش حد بيزعل عليا ؟.. يا جماعة كفاية مقارنة مقرفة وسخيفة.. هي اسمها شيرين وأنا اسمي أنغام.. متظلمونيش ومتدعوش عليا، انا مش الشخصية اللي تحب تدافع عن نفسها ولا اللي بتحب تدخل في مهاترات ودا منهجي في الحياة، وانا مش ست بتاعت مشاكل وانا في حالي وانا مش بدعي الاخلاق العالية ولا المثالية، واكتر حاجة وجعتني في الموضوع الظلم اللي انا غير قادرة على احتماله ولا السكوت عنه.

أنغام: شيرين حصلها مشكلة على المسرح أنا مالي ؟

وتابعت: والموضوع وصل لتجريح بطريقة غير مقبولة وغير محتملة ووصلت للشتيمة وتلقيح من ناس مسئولة وزمايل كمان اللي بيقولوا احنا عارفين مين ورا الحملة واتشتمت شتيمة عنيفة بتوصل للتمني بالشر والسوء، شيرين حصلها مشكلة على المسرح انا مالي ؟ ودي مش اول مرة وانا تحملت طول السنين اللي فاتت حتى منها شخصيا وعمري ما علقت وعذرتها.